يعنى ايه
3

معنى نيرد ( كيف تصبح نيرد ) معنى nerd

صورة
STARK
اخر تحديث :

 نيرد 

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى نيرد ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف معنى nerd تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى كلمة نيرد

 
معنى نيرد - nerd معنى - معنى nerd - نيرد معنى
نيرد



معنى Nerd بالانجليزى 

لو جيت تترجم كلمة Nerd في ترجمة جوجل هيطلع معناها مجتهد وتقدر تتأكد من كلامي من هنا . اتأكدت يااصحبي ؟ للدرجادى مافيش ثقة بينا ماشىي تشكر ياصاحبي ولكن هل ده المقصود بالشخص النيرد فعلا ؟ ماتيجي نشوف 

معنى نيرد

ما معنى نيرد - معنى كلمة nerd - معنى النيرد - يعني ايه نيرد
كيف تصبح نيرد



المقصود بالنيرد ياصاحبي هو الشخص المجتهد فعلا زي الولد اللي فالصورة فوق كده ولكن مش كل مجتهد نيرد ومش كل نيرد مجتهد . فاهم حاجة ؟ ولا انا بصراحة  . بص ياصاحبي انا هقولك شوية مواصفات تعرف بيها الشخص النيرد علشان لو قابلته في اى مكان تعرفه .. ورقة وقلم واكتب معايا 

مواصفات الشخص النيرد 

  1. منعزل عن الكوكب 
  2. مش حافظ افيهات الافلام
  3. يعشق الوحدة ( نفس المعنى ) 
  4. ليس له اصدقاء ( نفس المعنى والله ) 
  5. يكره السوشيال ميديا 
  6. مابيكلمش بنات 
  7. دايما فاكر نفسه اذكي واحد في الكوكب
  8. بيحب الرياضيات والمعادلات 
  9. نباتى : مابيحبش اللحوم 
  10. بيلبس نضارة كعب كوباية 
  11. بيسرح شعره على جنب 
  12. بيحب يذاكر كتير كتير اوى كتير جدا كتير بشكل مريب 
  13. بيحب الالعاب ودايما بيلعب فردى 
  14. بيلبس دايما قميص كاروهات  وبنطلون وبيقفل اول زرار للقميص
  15. جزء كبير من النيردات بيحبوا يلبسوا جزم مش كوتشيات ولكن ده مايمنعش ان فيه فئة قليلة بتلبس كوتشيات

الفرق بين النرم والنيرد 


النرم ده ياصاحبي هو الشخص القديم اللي اتحشر في 2007 ولو حابب تعرف اكتر عن معنى كلمة نرم ومواصافت الشخص النرم فتقدر تعرف كل المعلومات من هنا ( يعنى ايه نرم )  وتقارن بين الشخص النرم والشخص النيرد 

هل يمكن ان يكون الشخص نيرد ونرم في نفس الوقت 

اجل ياسيدي يمكن ان يكون الشخص نرم ونيرد في نفس الوقت ولو ده حصل في  دى تبقي مصيبة ولو لاقيت شخص قابلت شخص كده حاول تاخد بـ ايده وتساعده على المحنة اللي هو فيها 

كيف تصبح نيرد 

بص ياصاحبي انت طول ما النية موجودة هتبقي نيرد عادى بس السؤال هنا ايه اللي يخلي الانسان يبقي nerd اصلا . لانى قعدت افكر مع نفسي كده لاقيتان مافيش حاجة تخلي الانسان يتحول من شخص اجتماعي رايق بيسبب حرايق الي شخص نيرد عموما لو انت عاوز تبقي نيرد تقدر تعمل الحاجات دى :-

  
  • ابعد عن صحابك ده لو كان ليك صحاب يعنى 
  • امسح كل حاجة تربطك بالسوشيال ميديا 
  • روح اشتري نضارة كعب كوباية والبسها 
  • البس قميص واقفل اول زرار 
  • احضر جميع المحاضرات والدروس وماتفوتش ولا محاضرة 
  • اوعي تدي المحاضرات لزمايلك
  • اوعي تكلم بنات 
  • اشتري كمبيوتر ( PC ) او بلاي ستيشن وحمل العاب كتير 
  • اتفرج على انميات غريبة  
  •  ذاكر كتير اوى كتير جدا كتير اوفر 
  • ذاكر تانى علشان انت ماذاكرتش كويس اولاني 
  • خلص دراسة وحضر ماجيستر ودكتوراة من جامعة هارفارد 
  • واخيرا لو ربنا كرمك ولقيت بنوتة نرداية زيك كده اتجوزها وخلفوا نيردات صغيرين يملوا علينا الكوكب  

وبس كده ياصاحبي ده كان معنى نيرد وازاى تبقي نيردي لو عجبك الموضوع شيره مع صحابك النيردات وماتنساش تبقي تاخد جولة سريعة في قسم المعانى زي ماتفقنا يلا سلام 

تعديل المقال
الأقسام

مقالات قد تهمك

تعليقات