نرم
صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معني كلمه نرم ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي سيمب و صورم و توكسيك وغيرها كتير من المعانى فبنصحك بعد ماتعرف معني نرم تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى نرم
 |
| يعني ايه نرم |
اصل كلمة نرم
معني كلمه نرم
بص ياصاحبي باختصار علشان عارف انى طولت عليك النرم او النورمى هوا الشخص اللى اتحشر فى 2009 ولسه ماطلعش منها .. فاهم حاجة ؟ .. ابسطهالك ..عارف الصور بتاعة اساحبي اللى زى دى
 |
| اساحبي |
النرم او النورمى ( Norm -Nerm ) هو الشخص اللى لسه بيضحك على نوعية الصور او النكت اللى زى دى وبيشيرها .. برضه النرم هو الشخص اللي بيشير صور قلوب مكتوب عليها شكرا على قبول طلب الصداقة . من الاخر النرم هو الشخص اللي لسه بيعمل حاجات انتهت من قديم الازل ومش حافظ افيهات السوشيال ميديا ومش متابع الترندات .. طب سمعت قبل كده عن الشخص النيرد او تعرف ايه هي مواصفاته ؟ طب ماتيجي نشوف ( من هو الشخص النيرد وماهي مواصفاته ) بالمناسبة النرم ممكن يبقيى نيرد عادى طيب نرجع لموضوعنا
معنى كلمة نرم في السوشيال ميديا
مواصفات الشخص النرم
- بيشير ميمز قديمة من 2009
- لما بيضحك بيضحك كده ( هههههههههههههههههههههههههههههههههههه )
- لما بيكلمك عالواتس بيقولك الووووو
- مش حافظ افيهات الافلام وترندات السوشيال ميديا
- بيقول شكراعلى قبول طلب الصداقة ويحط صورة حمامتين وقلوب
ابلع يانرم
اكيد شوفت كلمة ابلع يانرم في كومنت او بوست على الفيسبوك طب معناها ايه ؟ ابلع يانرم ملهاش معنى محدد ولكن هي بتتقال لماتتريق على حد اوتقصف جبهته اوتقلل منه فتقوله يعنى مثلا لما تكون بتلعب انت وصاحبك بلاي ستيشن وتكسبه فرق كبير فتقوله هههه ابلع نرم اوتكون بتلعب ببجي مع حد وتضربه منغير ماياخد باله فتقوله ابلع يانرم
بداية انتشار كلمة نرم في مصر
اصل انتشار كلمة نرم في مصر كان العيال بتوع الضبويب ولو انت مش عارف يعنى ايه ضبويب وايه لغة الضبويب فممكن تقرأ المقالة دى ( شرح لغة الضبويب ) وخلينى اقولك باختصار ان دى كانت لغة منتشرة بين الشباب على السوشيال ميديا في الفترة من 2012 لحد 2019 بدأت اللغة دى تموت وبقي قليل لما حد يستعملها واتطورت لغة الضبويب الي الميمز
ازاي مكنش نرم
- تابع التريندات
- تابع الميمز اول باأول
- احفظ افيهات الافلام المشهورة
- اوعي تقول لحد الوووو في الشات
- اوعي تضحك بالشكل ده (هههههههههههههههههههههههههههه ) او لما تضحك باايموشن ماتعملش كتير كفاية اربعة اوخمسة
هل هناك علاقة بين السيمب والنرم
اجل ياسيدي هناك علاقة بينالسيمب والنرم بس مش هقولهالك هنا هقولهالك في مقالة ( يعنى ايه سيمب ) وبس كده ياصاحبي ده كان كل حاجة بخصوص معنى نرم على السوشيال ميدا واصل كلمة ومواصفات الشخص وازاى ماتبقاش نرم وخلينى اقولك ياصاحبي سيبك من الترندات والسوشيال ميدياواتكلم زي ماتحب واوعي تغير من نفسك علشان تعجب حد او علشان مايتقالش عليك نرم لاياصاحبي اعمل اللي نفسك فيه وماتخليش حد يجبرك تغير من طريقة حياتك . المهم انا كده خلصت لو عجبك الموضوع شيره مع صحابك النورميز ولو حابب تعرف معانى لكلمات اكتر ماتنساش تبقي تاخد جولة في قسم المعانى زي ماتفقنا ودلوقتى هسيبك مع يوتيوبر بيشرح معنى كلمه نرم علشان لو انت مش من محبي القراءة يلا سلااااااااااااااااام
شرح معنى نرم بالفيديو
معانى كلمات منتشرة على السوشيال ميديا
- معنى كلمة دشمل
- معنى كلمة pov
- معنى كلمة itz
- معنى كلمة mainstream
- معنى كلمة ايجو
- معنى كلمة توكسيك
- معنى كلمة سيمب
- معنى كلمة ديت
- معنى كلمة outfit
- معنى كلمة uwu
- معنى كلمة كرنج
- معنى كلمة ميمز
- معنى كلمة تروما
- معنى كلمة مينستريم
- معنى كلمة كراش
- معنى كلمة كلاون
- معنى كلمة انسكيور
- معنى كلمة صورم
- معنى كلمة مانبيوليتف
- معنى فير أوف كوميتمنت
- معنى كلمة اتنشن
- معنى كلمة ترست ايشوز
- معنى ريد فلاج
- معنى كلمة ههه لول
- معنى كلمة ترول ( بترول)