شرح اللغة الغريبة المنشرة على الفيسبوك ( سغة لبن سريبة غراب ) لغة اعلان احمد حلمي

صباح او مساء الخير حسب الوقت اللي بتقرأ فيه الموضوع ، من حوالي اسبوع او اكتر شركة اتصالات عملت اعلان جديد وطبعا علشان يبقي فيرال ويعلم مع الناس جابوا نجم كبير زى احمد حلمي وقالوله بص ياابو حميد احنا عاوزين نضرب تريند كام يوم كده

 فانت هتطلع في الاعلان تتكلم بلغة السغة لمبة ( السغة لمون ) فـ ابو حميد قالهم تطلع ايه لغة السغة لمبة دى ياجدعان ؟ 

قالوله فاكر كليب احمد مكي بتاع وقفة ناصية زمان ؟ قالهم ايوة قالوله بس كده ياسيدى تعالي بقي نشرحلك ايه لغة السغة لبن سريبة غراب دى علشان تبدأ تصوير 

شرح لغة السغة لمون

السغة لمون او السغة لمبة هي لغة اشبه بالشفرة كان بيستخدمها الشباب على النواصي زمان لما يبقي واقف معاهم حد غريب وعاوزين يقولوا حاجة مهمة لبعض فكانوا بيستخدموا اللغة دى علشان محدش يفهم غيرهم هما بيقولوا ايه 

وعلشان تفهم اكتر وتعرف تفك رموز اللغة دى تعالي نطبقها على اعلان احمد حلمي 

شرح معنى سدد جون الساقة بالون

علشان تعرف تتكلم اللغة دى فانت بتشيل اول حرف في الكلمة وتحط ( س ) وتحط بعدها كلمة بتبدأ بالحرف اللي شلته على سبيل المثال :

 سدد جول = جدد 

الساقة بلون = الباقة 

سسبوع البوم = اسبوع 

ستين امازون = اتنين 

سو ارانب = او 

سهر شماسي = شهر 

الجملة الاصلية : جدد الباقة اسبوع اتنين او شهر 

اعتقد كده الموضوع وضح شوية يعنى علشان تكتبها بتشيل اول حرف في الكلمة وتحط ( س ) وتحط بعدها كلمة بتبدأ بالحرف اللي شلته وعلشان تقراها فانت بتشيل اول حرف من الكلمة الاول وتحط اول حرف من الكلمة اللي التانية وتشيل الكلمة التانية 

احمد مكي كليب وقفة ناصية زمان ( ساسب حواجب ) 

الجدير بالذكر هنا ان احمد حلمي يعتبر من اول واحد اتكلم بلفة السغة لمون دى في اغنيته وقفة ناصية زمان سنة 2017 والموضوع برده كان تريند لفترة وخلص طب حاول تقرأ كده ساسب حواجب ؟ 

ايوة بالظبط يعنى ( حاسب ) انا مبسوط بيك اوى انت كده بقيت بتتكلم سغة لبن سريبة غراب واللي معناها ( لغة غريبة ) 

ولاننا جامدين زوحليقة كنا كاتبين مقال عن اللغة دى في 2017 تقدر تشوفه من هنا ( معنى ساسب حواجب ) 

وبس كده ياسيدى ده كان موضوعنا النهاردة عن شرح السغة لمون المنتشرة علي السوشيال ميديا لو عجبك الشرح وحبيت تدعمنى شيره مع اصحابك من خلال ازرار المشاركة اسفل الموضوع  

مواضيع اخري يمكنك قرائتها من قسم المعانى 

1. لو حابب تعرف يعنى ايه ضيب ويب ياريء : اضغط هنا 
2. لو حابب تعرف يعنى ايه نرم : اضغط هنا 
3. لو حابب تعرف يعنى ايه ظظظ :- اضغط هنا 
4. ولو حابب تشوف صور لحوار ضبويبي من فيلم ولاد العم :- اضغط هنا   
5. لو حابب تعرف معلومات عن الاوتة المشمشية احد رموز الضبويب : اضغط هنا
6.  لو حابب تعرف معلومات عن البتتس المحمرة احد رموز الضبويب : اضغط هنا  
7. يعنى ايه خوستيقة - من هو خوستيقة - كيف بدأ الخوستيقة : من هنا 
8. الفرق بين الديب ويب والضبويب : من هنا
9. يعنى ايه قق - معنى كلمة قق - قق ضبويب : من هنا 
10. يعنى ايه ترو - معنى كلمة ترو المنتشرة عالسوشيال ميديا : من هنا 
11. يعنى ايه ليم - معنى كلمة ليم - ليم ضبويب : من هنا 
12. يعنى ايه سندال - معنى كلمة سندال : من هنا 
13. يعنى ايه سيمب - معنى كلمة سيمب :  من هنا 
14. يعنى ايه حلب النجوم - من هي حلابة النجوم ؟ : من هنا 
15. يعنى ايه ميم - ميم لورد - ميمز العرب : من هنا 
16. يعنى ايه عاش بس ري - معنى كلمة ري : من هنا 
17. يعنى ايه محنك - معنى كلمة محنك - التحنيكة : من هنا 
18. يعنى ايه نودز - معنى كلمة نودز - صور نودز : من هنا 
19. يعنى ايه كلبوبة - معنى كلمة كلبوبة : من هنا 
20. يعنى ايه اتنشن هورز - اتنشن هورز - مين هي البنت الاتنشن : من هنا
21. يعنى ايه لول - معنى كلمة LOL - ههه لول : من هنا 
22. معنى كلمة ترول المنتشرة على السوشيال ميديا : من هنا 
23. معنى كلمة هبد المنتشرة على السوشيال ميديا من هنا 
24. معنى كلمة ويرد المنتشرة على السوشيال ميديا : من هنا 
25. معنى كلمة ارمي BTS : من هنا 

تعديل المقال