يعنى ايه ريد فلاج ؟ معنى red flag (red flags معنى في العلاقات ) جرين فلاج

STARK

اخر تحديث :

ريد فلاج

صباح او مساء الخير حسب الوقت اللي بتقرأ فيه الموضوع ، رجعنالكم النهاردة بمصطلح انتشر في الفترة الاخير بين شعب تويتر العظيم وهو مصطلح الريد فلاج ( Red Flag ) واللي مايعرفوش اغلب الناس ان ريد فلاج هو مصطلح قديم جدا ولكنه طلع تريند الفترة دى بسبب العلاقات التوكسيك اللي انتشرت مؤخرا وطبعا هتقولي مش عارف يعنى ايه توكسيك هقولك بسيطة ياصاحبي انت هتدخل هنا ( مصطلحات السوشيال ميديا ) هتلاقي بقي معانى لكلمات كتير منتشرة وبتقابلها يوميا على السوشيال ميديا زي نرم وسيمب ولول وصورم وتراستايشوز ومينستريم وغيرها كتير اووى . المهم علشان ماطولش عليك يلا بينا نعرف red flags معنى و معني Red flags معنى في العلاقات

معنى red flag

معنى red flag

الريد فلاجز ياصاحبي هي الاعلام الحمرا زى مانت عارف ترجمتها ولكن المقصود بمصطلح Red Flags هي العلامات او المؤشرات اللي اول ماتظهر في علاقتك مع الطرف التانى تعرف ان العلاقة دى خلاص اوشكت على الانتهاء او بتنتهي لان غالبا بتكون علاقة توكسيك بمعنى ان الريد فلاجز عبارة عن علامات تحذير في العلاقة اول ماتلاقيها تاخد في وشك وتقول يافكيك لان العلاقة دى هتفشل يعنى هتفشل طيب ايه هي العلامات دى ؟ وايه اصل كلمة ريد فلاجز ؟

red flags معنى في العلاقات

في بقي ياصاحبي شوية ريد فلاجز في العلاقة اول ماتلاقيها في الطرف التانى تاخد ديلك في بوقك وتقول يافكيك علشان مايحصلكش زي اللي حصللحسين هتقولي حسين مين هقولكواحد صاحبي ماتعرفوش . طب ايه هي المؤشرات دي ؟ ورقة وقلم ياست الكل واكتبي معايا

شخص بيحاول دايما يقلل منك ومن اهتماماتك
مش بيهتم بيك
مش بيخاف على زعلك
مابيقدرش يتحكم بغضبه
عنده تراست ايشوز
مافيش توافق فكري بينكم
شخص بيكره الاعتذار وعمره مايعتذر حتى لو غلطان
معاملته بتتغير من غير سبب
دايما بيحسسك بالذنب وانه مستحملك غصب عنه

دى بعض الريد فلاجز اللي لو لقيتها في علاقة تعرف ان العلاقة دى توكسيك ومش هتنتهي على خير طب ايه بقي اصل كلمة ريد فلاج دي او جت منين ؟

اصل كلمة ريد فلاج

يعني ايه ريد فلاج - معنى ريد فلاج - ما معنى red flag

تعبير "الراية الحمراء" Red flag ورد في قاموس أوكسفورد الإنجليزي وأول ذكر ليه كان في سنة 1602 بالظبط لما تم استخدام الراية الحمرا للمرة الأولى على ايد قوات عسكرية للإشارة للإستعدادات العسكرية للمعركة
ده المصطلح نفسه لكن دلالته بقى كحاجة تحذيرية فتاريخ أقدم ذكر لمصطلح "الراية الحمراء" بوصفها إشارة من إشارات التحذير كان في سنة 1777 للتحذير من الفيضان. ومن بعدها بدأ المصطلح بيستخدم بأشكال عديدة كتحذير.
الراية الحمراء ( أو الضوء الأحمر) في إشارات السيمافور على السكك الحديدية معناها توقف مفاجيء لحركة القطار.
القوات المسلحة بتستخدمها لتحذير المواطنين من التدريبات بالذخيرة الحية.
القوات الجوية الأمريكية أكبر مناوراتها العسكرية السنوية اسمها عملية الراية الحمراء.
رفع الرايات الحمرا عند الشواطئ تحذير خطر السباحة في المنطقة دي من الشاطئ ولسة مرفوعة رايات حمراء على شاطيء في إسكندرية من أقل من شهر.

قانون الراية الحمرا

لما ظهرت العربيات جديد في انجلترا كان اجتيازها الشوارع خطر على حياة الناس وراحتهم ، فصدر قانون الراية الحمراء اللي بيقضي بأنه يجري قدام كل عربية راجل كدليل شايل راية حمراء عشان ينبه الناس ان فيه عربيات وراه.

فيديو شرح معنى red flag من المعلم احمد يونس

جرين فلاج ( green flags )

طيب بعد ماعرفنا ان الريد فلاج هي العلامات التحذيرية اللي بتحذرك اذا كانت العلاقة دى توكسيك ولا لا جه الوقت اللي نعرف فيه معنى جرين فلاج . والجرين فلاجز ياصديقي العزيزهي عكس الريد فلاج يعني لوالريد فلاج هي التحذيرات اللي بتنبهك ان العلاقة دي خطر فالجرين فلاج هي المؤشرات اللي بتقولك ان العلاقة دى علاقة صحية وآمنة ليك وخلينا نقولكم بعد صفات الشخص الجرين فلاج

معنى جرين فلاج ( صفات الجرين فلاج )

احترام الحدود
شخصية سوية
يمنحك مساحة لتكون على طبيعتك
سلوك صحي وسوي
يجعلك تشعر وكأنكم فريق واحد
يفي بالوعود
يجعلك تشعر بالرضا عن نفسك عندما تكون معه
يجعلك واثق من نفسك

وبس كده يصاحبي ده كان كل حاجة بخصوص معنى كلمة red flags وجرين فلاج على السوشيال ميديا . طبعا مش هوصيك لو الموضوع عجبك تشيره مع صحابك وتخلي بالك من الريد فلاجز يلا سلاااااااااااااااااام

معانى كلمات منتشرة على السوشيال ميديا

تعديل المقال

الأقسام يعنى ايه

مقالات قد تهمك

تعليقات

إرسال تعليق

أقسام الوصول السريع ( مربع البحث )