ما معنى ترست ايشوز ؟ ( معنى trust issues بالعربي ) اختبار ترست ايشوز

STARK

اخر تحديث :

Trust Issues

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى ترست ايشوز ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعني ايه ترست ايشوز تدخل قسم المعانى وتقرأ فيه شوية المهم علشان ماطولش عليك يلا بينا نعرف ترجمة trust issues

ما معنى تراست ايشوز

ترجمة كلمة trust issues

كلمة تراست ايشوز هي كلمة انجليزية مكونة من مقطعين Trust ومعناها الثقة و issues ومعناها مشاكل ولو خدت كلمة تراست ايشوز ( trust issues ) كوبي وحطتها في ترجمة جوجل هيقولك ان معناها الحرفي مشاكل الثقة طيب ايه المقصود بالتراست ايشوز وهل ده مرض ولا حالة عرضية ويعنى ايه تراست ايشوز في العلاقات ؟ وايه اعراض او صفات الشخص اللي عنده trust issues

معنى كلمة تراست ايشوز في العلاقات

المقصود بكلمة تراست ايشوز في العلاقات هي الناس اللي عندها مشاكل في الثقة باللي حواليها وده مرض نفسي معروف وتقدر تبحث وتقرأ عنه بشكل طبي اكتر في المواقع المختصة وزى ماقولتلك ياصاحبي التراست ايشوز هي مشكلة انعدام الثقة في اي حد بتتعامل معاه حتى لو بتحبه يعنى انت ممكن تكن بتحب ابوك وامك واخواتك واصحابك ولكن بيبقي عندك مشكلة انك مش واثق فيهم في بعض الامور او دايما قلقان من الناس بشكل عام وخلي بالك ان التراست ايشوز غير الانسيكيورتى

أعراض التراست ايشوز

التركيز على السلبيات
عدم الاعتماد على الأخرين
تجنب الدخول في علاقة جديدة
الشك في الأصدقاء والعائلة
النبش في ماضي شريك حياتك لإثارة المشكلات
الخوف من المستقبل بشكل مرضي
حب الانطواء
الشعور الدائم بالقلق
عدم مسامحة المخطئين
دايما فاكر انك معرض لان اي حد هيسيبك

علاج التراست ايشوز ( كيفية التغلب على مشاكل انعدام الثقة في العلاقات )

تحديد السبب اللي مخليك مش قادر تثق في الاخرين ومعالجته
فكر انت متوقع ايه من الطرف الاخر ( يعنى ماتعشمش نفسك بحاجة )
فكر انت عاوز تعيش حياة مليئة بالثقة ولابالشك ومين هيكون افيد لصحتك النفسية
ماتبقاش شكاك وثق فينفسك وثق في الناس وخلي نيتك دايما حسنة مع الناس
ادي للناس مساحتهم الشخصية
عالج مشكلات الماضي اللي مسببالك مشاكل بالثقة
خليك ايجابي وحط لنفسك طريقة للتعامل مع مشاكل انعدام الثقة
بطل تتوقع ان اللي قدامك عارف انت عاوز ايه
اقنع نفسك انك انسان كويس وتستحق كل الخيراللي في الدنيا
حاول تركز على الايجابيات وابعد تركيز عن السلبيات

اختبار تراست ايشوز

وهنا ياصاحبي لازم انبهك ان مافيش حاجة اسمها اختبار تراستايشوز واى اختبارات معمولة من النوع ده على السوشيال ميديااو علىالانترنت فالهدف منها ترفيهي لكن تشخيص مرض التراست ايشوز بيكون من خلال طبيب نفسي او اخصائي يعنى ماتقدرش انت تشخص نفسك ان عندك trust issues او حد من صحابك يشخصك او اى اختبار . التشخصيص فقط من خلال الطبيب المختص

وفي النهاية ياصاحبي لازم اقولك ان المقالة دى ماهي الا مقالة تعريفية وترفيهية لكن لو انت فعلا بتعانى من اى ترست ايشوز فبنصحك فورا تروح لطبيب نفسي او لحد متخصص يعالج مشكلتك وماتركزش مع كلام المواقع والسوشيال ميديا وخد خطوة ايجابية وابدأ العلاج الصح وتأكد انك انسان كويس وتستحق كل خير وبس كده ياصاحبي ده كان كل حاجة بخصوص معنى trust issues لو حابب تعرف معانى لكلمات اكتر ماتنساش زي ماتفقنا تاخد جولة في قسم المعانى ولو حسيت انك استفدت وحابب تفيد غيرك سويلي شير للموضوع على السوشيال ميديا ولو مش حابب براحتك ياصاحبي عادى يلا سلام .

معانى كلمات منتشرة على السوشيال ميديا

تعديل المقال

الأقسام يعنى ايه

مقالات قد تهمك

تعليقات

إرسال تعليق

أقسام الوصول السريع ( مربع البحث )