قسم الاكواد ياصديقي العزيز بيحتوى علي مواضيع لاكواد زى اكواد الغاء او تنشيط بعض الخدمات زى خدمات المحمول على سبيل المثال وليس الحصر اكواد الغاء بعض خدمات فودافون زي كود الغاء خدمة العاب اونلاين وغيرها كتير من الاكواد اللي هنضيفها الفترة الجاية . المهم علشان ماطولش عليك موضوع النهاردة هيكون عن الغاء خدمة الاحتفاظ بالمكالمات فودافون ودى هتكون بعض محتويات الموضوع
- ماهي خدمة الاحتفاظ بالمكالمات فودافون
- لماذا يتم استخام خدمة الاحتفاظ بالمكالمات
- كود الغاء خدمة الاحتفاظ بالمكالمات فودافون
- اسباب الغاء خدمة الاحتفاظ بالمكالمات
- مميزات خدمة الاحتفاظ بالمكالمات
- كيفية الغاء خدمة الاحتفاظ بالمكالمات فودافون
- خطوات الغاء خدمة الاحتفاظ بالمكالمات
 |
| الغاء اشتراك خدمة الاحتفاظ بالمكالمات فودافون |
ماهي خدمة الاحتفاظ بالمكالمات التى تقدمها فودافون
خدمة الاحتفاظ بالمكالمات هي احدى خدمات شركة فودافون اللي بتقدم للمستخدم ميزة مهمة وهي معرفة الارقام اللي اتصلت بيه اثناء غلق الهاتف . يعنى لو موبايلك مقفول او انت في مكان خارج التغطية وحد اتصل عليك اول ما موبايلك يتفتح او تدخل مجال التغطية هيجيلك رسالة حاول هذا الرقم الاتصال بك . وعلى فكرة ياصاحبي الخدمة دى كانت مجانا اورنج لحد وقت قريب جدا بس بقت بااشتراك زى فودافون كده من حوالي سنة . اكل العيش مر ^_*
لماذا يحتاج المستخدم الي الاشتراك في خدمة الاحتفاظ بالمكالمات
طبعا لو انت عايش في مكان الشبكة فيه ضعيفة او معدومة او مثلا لو انت مهندس وشغال في موقع مافيهوش شبكة فطبيعي تحتاج الاشتراك في خدمة الاحتفاظ بالمكالمات علشان تعرف مين اللي اتصل بيك اول ماموبايلك يتفتح او يلقط شبكة يعنى الخدمة دى معمولة لكل المستخدمين بشكل عام ولكن اكتر ناس هتحتاجها هي الناس اللي عايشين او شغالين في اماكن مافيهاش شبكة
اسباب الغاء خدمة الاحتفاظ بالمكالمات فودافون
طبعا زي ماقولنا فوق ان الخدمة متاحة لكل المستخدمين ولكن مش الكل بيحتاجها يعنى مثلا لو انت في مكان الشبكة فيه كويسة وانت استخدامك للموبايل قليل والبطارية بتكمل معاك اليوم واليومين فبنسبة كبيرة مش هتحتاج الخدمة بشكل كبير زى الناس اللي عايشين او شغالين في اماكن شبكتها ضعيفة او بيستخدموا البموبايل بشكل كبير بالتالي الموبايل مابيكملش معاهم اليوم طيب ايه هي رسوم الاتشراك في خدمة الاحتفاظ بالمكالمات ازاى اشترك في خدمة الاحتفاظ بالمكالمات او ازاى الغي اشتراكي فيها ؟
رسوم الاشتراك في خدمة الاحتفاظ بالمكالمات فودافون
- رسوم الاشترك في الخدمة هي خمس جنيهات مصرية فقط لاغير ( 5 جنيه )
طريقة الاشتراك في خدمة الاحتفاظ بالمكالمات فودافون
- يتم الاشتراك في الخدمة عن طريق كود *888*3# ( نجمة تلات تمنيات نجمة تلاتة شباك ) ، وسوف يتم خصم 5 جنيهات رسوم الاشتراك في الخدمة
كيف تعمل خدمة الاحتفاظ بالمكالمات من فودافون ؟
بعد ماتشترك في الخدمة ويخصم منك 5 جنيه رسوم الاشتراك بيتم تفعيل الخدمة وبتقدر تعرف مين اللي اتصل بيك لما كان موبايلك مقفول او خارج التغطية عن طريق كود *777# ( نجمة تلات سبعات شباك ) بتكلفة عشر قروش لكل مرة تستخدم فيها الكود او الخدمة يعنى لو استخدمت الخدمة عشر مرات في اليوم هيخصم منك جنيه ولو استخدمتها 15 مرة هيخصم منك جنيه ونص وهكذا
طريقة الغاء خدمة الاحتفاظ بالمكالمات ( ازاى الغى خدمة الاحتفاظ بالمكالمات فودافون )
لإلغاء خدمة الاحتفاظ بالمكالمات من فودافون عندنا طريفتين :
- عن طريق كود *888*31# ( نجمة تلات تمنيات نجمة واحد وتلاتين شباك )
- عن طريق كود التجكم في خدمات فودافون *10# ( نجمة عشرة شباك )
وبس كده ياصاحبي ده كان كل حاجة بخصوص خدمة الاحتفاظ بالمكالمات وطريقة الاشتراك والغاء الاتشراك فيها ومميزاتها وعيوبها لو عجبك الموضوع ماتنساش تاخد جولة في قسم الاكواد زى ماتفقنا يلا سلام