صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة كتفم ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى لانك هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه كتفمك تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى كتفم المنتشرة على السوشيال ميديا
 |
| يعنى ايه كتفم |
معنى كتفم المنتشرة على السوشيال ميديا
اصل كلمة كتفمك
اصل وبداية انتشار كلمة كتفم كان بعد مباراة ريال مدريد وليفربول في 2018 قبل كاس العالم اللي مدافع ريال مدريد السابق سيرجيو راموس اصاب فخر مصر والعرب محمد صلاح اصابة خطيرة في كتفه ومن بعدها بدأت تظهر الكلمة على الفيسبوك كنوع من الشتيمة على راموس لحد مابقت متداولة وبيستخدمها كتير من الشباب بدل الشتيمة الاصلية وده طبعا بسبب معايير الفيسبوك اللي بتمنع اى نوع من انواع الشتايم فطبعا كل واحد خايف على حسابه من الحظر بقي يستخدم كلمة كتفم بدل الكلمة التانية