ريتش
صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة ريتش المنتشرة على الفيسبوك ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى عندنا لانك هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه ريتش تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى Reach
 |
| معنى ريتش في الفيسبوك |
ترجمة كلمة ريتش
لو فتحت ترجمة جوجل وجيت تترجم كلمة ريتش ( Reach ) هيقولك ان معناها وصول وخلي بالك ياصديقي ان ريتش اللي بتتقال عالسوشيال ميديا المقصود بيها Reach وليس Rich لان Rich معنى غنى او ثري زيي كده طب دى كانت ترجمة كلمة ريتش امال ايه المقصود بيها على السوشيال ميديا
معنى ريتش على السوشيال ميديا
المقصود بكلمة ريتش على السوشيال ميديا هو عدد الاشخاص اللي وصلهم البوست ( المنشور ) يعنى مثلا انت لما بتنشر بوست ومابتلاقيش عليه تفاعل ساعات تلاقي حد من صحابك زيي كده يقولك ايه ياصاحبي الريتش واقع عندك ليه . ولو عندك تفاعل كبير يقولك الواد ده ريتشه عالي يعنى عدد الاشخاص اللي وصلهم البوست كبير بالتالي التفاعل كتير وبس كده ياصاحبي ده كان كل حاجة بخصوص معنى ريتش المنتشرة على الفيسبوك ، ماتنساش تاخد جولة سريعة في قسم المعانى زى ماتفقنا ولو عاوز تعرف معنى اي كلمة اكتبهالنا في التعليقات وهنجاوبك يلا سلام