| خـطـيـر | كشف حقيقة موقع mbz9 لمعرفة كلمة سر وايميل اى أكاونت على الفيسبوك mbz 9
STARK
اخر تحديث :
MBZ9
اللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين ثم اما بعد ، صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع mbz9اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول : اذا كنت تريد تهكير أى اكاونت على الفيسبوك بدون برامج , افتح جوجل واكتب فى البحث MBZ9 وادخل اول موقع يظهرلك ꜛ ثم ضع رابط الاكاونت سوف يظهر الايميل والباسورد ومن هنا بدأت الاستفسارات حول mbz9 facebookوهل فعلا تقدر من خلاله تعرف كلمة سر وايميل اي اكونت على الفيسبوك وبعد ماقام عدد من فريق موقع سكرين ميكس اللي هو انا بس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع mbz9 لمعرفة كلمة سر وايميل اى أكاونت على الفيسبوك في البداية ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ صدقت فعلا انك تقدر تعرف ايميل وباسورد اي اكونت بسهولة كده ؟ .. ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض تعالي معايا بقي اقولك حقيقية موقع mbz9 facebook
mbz9
اضغط هنا لاظهار الايميل وكلمة السر
الفضول ياصاحبي الفضول هو السبب في اللي احنا فيه دلوقتى وطبعا انت اول ماتشوف كلمة اضغط هنا لاظهار الايميل وكلمة السر الفضول جواك بيزيد وبيوصل لاعلي مرحلة وبتكون فاكر ان mbz9 هينولك اللي في بالك ولكن !!!!!!!!
شرح كيفية استخدام موقع mbz9 facebook
موقع MBZ9 او mbz9 واتساب او mbz9 انستقرام او mbz9m او mbz9 facebook هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : الان يمكنك معرفة باسورد وأيميل أى اكاونت على الفيسبوك بدون برامج عن طريق موقعنا mbz9 المجانى وبيسألك سؤال :
وايا كان الاختيار اللي هتختاره هيحولك على صفحة تانية بيسألك فيها ويقولك هل الضحية من قائمة الاصدقاء ؟
وبيديك اختيارين
mbz9
نعم
لا
mbz 9
وبغض النظر عن اختيارك فبعدها هيحطلك صورتين فيهم طريقة نسخ رابط البروفايل من الموبايل او من الكمبيوتر وبعدها هيقولك ضع رابط الضحية هنا وصدقنى سواء خحطيت رابط او ماحطتش انت حتى لو كتبت محشي ورق عنب هيحولك على صفحة مكتوب فيها
تهانينا لقد تم التعرف على كلمة السر و أيميل الضحية بنجاح
تبقى لك خطوة اخيرة
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة -صفحات-جروبات
نسخ الرسالة
لو عايز تهكر أى اكاونت على الفيسبوك بدون برامج ‾ افتح جوجل واكتب فى البحث mbz9 وادخل اول موقع يظهرلك ꜛ هتحط رابط الاكاونت اللى عايز تهكرة هيظهرلك الايميل والباسورد
↓↓↓↓
اضغط هنا لـ أظهار كلمة السر والايميل
↑↑↑↑
شارك برأيك في تعليق
موقع mbz9 لمعرفة كلمة سر وايميل اى أكاونت على الفيسبوك
ولما بتضغط على كلمة اضغط هنا لـ أظهار كلمة السر والايميلبيظهرلك نافذرة بيقولك فيها انشر الرسالة دى في 15 مجموعة علشان تعرف الايميل والباسورد ولو ضغط تانى هيحولك علي صفحة تانية فيها اعلان او موقع تانى وده بيكون مصدر ربح mbz9 وصدقنى مهما تنشر في التعليق على مواقع التواصل الاجتماعي مش هتستفيد حاجة وهتبقي بتضيع وقت عالفاضي لان ببساطة ياصديقي حتى الان لايوجد على فيسبوك بما يسمي باختراق حساب فيسبوك بالطريقة دى وموقع mbz9 هو موقع غير صادق زيه زي كتير من المواقع وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها او الربح من خلال اعلانات CPA وتقدر تقرأ المقالة دى علشان تعرف خطر استخدام المواقع اللي زى mbz9 facebook- mbz 9 - mbz9com ( كيفية حماية حسابك على الفيسبوك من الاختراق )
تعليقات المستخدمين في موقع mbz9 facebook
التعليقات المزيفة من موقع mbz9
طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake
MBZ9 هكر
جاتلنا كتير من الاسئلة بخوصوص موقع mbz9 ولكن اكتر سؤال كان بيتسئلنا هو هل موقع mbz9 هكر وخليني اقولك ياصاحبي انه مش هكر ومايقدرش يخترق جهازك ولكن يفضل حاول دايما تحمي نفسك وماتدخلش على المواقع اللي زي mbz9 facebook لان جزء كبير جدا منهم ان ماكنش كلهم بيطلب منك تحط بياناتك زي رقم التليفون وبيتم استخدامهم في الترويج لعروض CPA ويسحب رصيد منك زى خدمات العاب اونلاين فودافون
سبب انتشار موقع mbz9
بطبيعة الحال الحاجة فيها تجسس دايما بيبقا عليا اقبال كبيرلانها بتثير الفضول اللي جواك وخصوصا لما يبقي تجسس بدون مقابل ودي النقطة اللي بيلعب عليها موقع mbz9 انه بيقولك لو عاوز تعرف ايميل وباسورد اي اكونت عالفيسبوك ابحث في جوجل عن mbz9 فانت علشان ترضي فضولك بتبحث وبتدخل وبتتبع الخطوات وفي الاخر مابتوصلش لحاجة حاجة فهي دى فكرة mbz 9 انه بيلعب على عاطفة امتلاك الشيء والفضول عند المستخدم ولكن في الحقيقة كل ده كلام فاضي لان مافيش حاجة اسمها اعرف ايميل وباسورد اي اكونت على الفيسبوك شركة كبيرة زى فيسبوك اكيد مش هتسيب ثغرة زي دى مفتوحة علشان يجي موقع بربع جنيه يكتشفها علشان كده مااتصدقش المواقع من نوعية mbz9 facebook وماتخليش حد يضحك عليك
مميزات وعيوب موقع mbz9
صديقي العزيز موقع mbz9 ليس له اي مميزات او عيوب يعنى هو لا هيضرك ولا هينفعك لان في مواقع زميلة عاملة شرح للموقع وكاتبة كلام غير صادق عن ان mbz9 له مميزات وعيوب وبصراحة انا بعتبرهم مضللين اكتر من موقع mbz9 نفسه فانا بس حبيت أأكد عليك المعلومة ان mbz9 مالووووووش لازززززززمة
رابط موقع mbz9
وطبعا بعد ماوصلت لنهاية المقالة تقدر تتأكد من كل كلمة قولتهالك وتدخل على موقع mbz9 ( من هنا ) ولو لقيت الرابط مش شغال يبقي الدومين انتهي
فيديو توضيحي اثناء استخدام موقع mbz9
مواقع اخري غير صادقة
في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى
وبس كده ياصحبي ده كل حاجة بخصووص موضوع النهاردة حقيقة موقع mbz9 . ارجو انك بعد ماقرأت الموضوع وعرفت حقيقة موقع mbz9 لمعرفة كلمة سر وايميل اى أكاونت على الفيسبوك انك ماتصدقش الحاجات دى وماتمشيش وراها . ولو حبيت تشير الموضوع مع صحابك علشان تحذرهم هكون شاكر جدا يلا سلااااااااااااااااااااام
