يعنى ايه
0

معنى uwu ؟ ( معني اختصار uwu ) uwu girl معنى

صورة
STARK
اخر تحديث :

UWU

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى uwu المنتشرة علي السوشيال ميديا ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف uwu معنى تدخل قسم المعانى وتقرأ فيه شوية المهم علشان ماطولش عليك يلا بينا نعرف uwu girl معنى واسباب ظهورها


معنى uwu - uwu معنى - uwu girl معنى - معنی uwu
uwu girl معنى

معنى uwu

UWU هو عبارة عن تعبير يرمز الي السعادة والوجه المبتسم بالظبط زي صورة البنت اللي فوق اما عن الحروف UwU فكل حرف بيرمز الي حاجة مثلا حرف الـ U بيرمز الي العيون والـ W يرمز الي الفم وللتوضيح اكتر بص على الصورة اللي تحت دى 



ما معنى كلمة uwu - uwu - اختصار uwu - معنى كلمة uwu
معنی uwu

لو ركزت على الصورة دى هتلاقي ان الوجه المبتسم عبارة عن حروف uwu وفي الحقيقة اختصار uwu من لتعبيرات الشائعة عند اليابانيين والكوريين ومحبي الانمي وبيتهيالي اخواتى وحبايب قلبي الارمي و الاوتاكو هما اكتر ناس هيفهموا قصدى بس بشكل عام مصطلح uwu بيرمز الي الكيوتنس ( جاية من cute ) يعنى حاجة حلوة ورقيقة وجذابة وللتوضيح اكتر ممكن تشوف الفيديو ده 



معنى uwu في الشات 

طب هل احنا بنكتب المقالة دى علشان نقولك معنى مصطلح uwu وبس كده ولا في سبب تانى ؟ .. بصراحة ياصاحبي في سبب تانى السبب التانى هو ان المصطلح فجأة وبدون احساس بين صمت واندهاش عمل بوووم وانتشر علي السوشيال ميديا زيه زي كتير من المصطلحات اللي اتكلمنا عنها في قسم المعانى ولكن انتشاره كان انتشارغريب لانه انتشر في الشات اكتر من البوستات ومش ده بس الغريب لا الغريب ان مصطلح uwu بقي بيتطلب من البنات بدل النودز !!! متخيل ياصاحبي ؟ يعنى زمان الشاب الفاسد والعياذ بالله كان يكلم البنت يقولها ابعتيلي نودز لكن دلوقتى بقي يقولها ابعتيلي UWU اللي هو ابعتيلي نفسك وانتى عاملة ايموشنز زى اللي في الفيديو اللي فوق كده . بصراحة مالقتش فيديو محترم يوضح الموضوع اكتر من كده وكان في فيديوهات كتير بتوضح الموضوع بشكل اكتر ولكن مارضتش احطها علشان ماحدش يشيل ذنبها لكن بجد الموضوع بقي مريب يعنى من بعد النودز جاء الـ UWU 

اصل مصطلح uwu 

اصل اختصار uwu بيرجع للثقافة اليابانية لان المصطلح طلع من عندهم بسبب الانمي وكده ولكن مافيش مصادر مؤكدة من المعلومة دى فاعتبرها جدعنة منى ولكن بشكل عام مصطلح uwu اصبح شائع جدا في جميع دول العالم ولسه واصل مصر والعالم العربي قريب وفي الفيديو ده بيشرح اخونا جوني معنى مصطلح uwu 



وبس كده ياصحبي دى كانت كل حاجة بخصوص معنى uwu او اختصار uwu المنتشر على السوشيال ميديا ، لو في مصطلح او كلمة حابب تعرف معناها اكتبلنا في التعليقات . وماتنساش تاخد جولة في قسم المعانى زى ماتفقنا يلا سلااااااااااااااام
تعديل المقال
الأقسام

مقالات قد تهمك

تعليقات