صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة اتز ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه itz تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى itz في السوشيال ميديا
 |
| معنى itz |
معنى itz على الفيسبوك
انتشرت كلمة itz على الفيسبوك في الفترة الاخيرة بشكل كبير جدا وبنلاقيها اغلب الاوقات في اول اسم البروفايل يعنى بنلاقي ناس مسمية نفسها itz mohamed - itz nada - itz santos طب ايه بقي معنى كلمة itz دى ياصاحبي ؟
بص ياحبيب اخوك كلمة itz ليها معنيين ( اتنين معنى ) اول معنى لما تبقي جنب الاسم بيبقي معناها ( انه ) يعنى Itz Mohamed ( انه محمد ) يعنى اداة تعريف مش اكتر ( itz aya ) ) ( انها آية ) بس برده كلمة itz ليها معنى تانى وده بيستخدم اكتر في الالعاب
معنى كلمة itz في الالعاب
itz في الالعاب هي عبارة عن اختصار لتلات كلمات ( in the zone ) ومعناها ( في المنطقة ) وبيستخدموها كتير في لعبة ببجي وفري فاير
معنى كلمة itz
للمصداقية برضه في اراء بتقول ان كلمة itz لما تكتب في بداية الاسم بيكون معناها in the zone يعنى ( itz ahmed ) معناها ( في المنطقة احمد ) ده معناها الحرفي بس المقصود بيها زي اغنية وسع يلا البابا جه اللي هو وسع يلا احمد حضر ( ده تصريح جدعنة مني ) .. المهم انا لما سألت صحابي اللي كاتبين اتز في اول اسمهم على الفيسبوك قالولي المعانى دى وفي ناس كاتبة itz بمعنى in the zone وناس تانية كاتباها بمعنى ( انه ) عموما انا قولت اقول الاتنين للمعرفة
وبس كده ياصاحبي ده كان كل حاجة بخصوص معنى كلمة اتز على السوشيال ميديا لو حابب تعرف عانى لكلمات كتير بتقابلك على السوشيال ميديا يوميا ماتنسا تزورنا في قسم المعانى زي مااتفقنا يلا سلاااااااااااااااااااااام