هواتف واندرويد
0

احذر خطر مواقع معرفة رقم الوايفاي !

صورة
STARK
اخر تحديث :

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع mbz3 اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول  : اذا كنت تريد تهكير أى شبكة WIFi قريبة منك بدون برامج وتسرق منها نت _ اذهب الى جوجل واكتب فى البحث  mbz3  ثم ادخل الموقع الاول - ثم ضع أسم الشبكة  يظهر لك الباسورد ومن هنا بدأ التساؤولات حول  ما هو mbz3 وهل فعلا في حد يقدر يعرف باسورد اى شبكة واي فاي قريبة منه  ؟
وبعد ماقام عدد من فريق موقع سكرين ميكس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع mbz3 لمعرفة باسور أى واى فاى قريب منك .. في الاول ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ صدقت فعلا انك تقدر تعرف باسورد اي واي فاي بسهولة كده ؟ ..  ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض  تعالي معايا بقي اقولك حقيقية موقع mbz3

  
mbz3 - mbz 3 - mbz3 wifi - wifi mbz
mbz3

طريقة عمل موقع mbz3

موقع 3mbz او mbz3 او mbz3.com او mbz 3  هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : الان يمكنك معرفة باسورد أى شبكة واى فاى قريب منك عن طريق موقعنا mbz3.com

mbz3 wifi - mbz 3 wifi - mbz3 فيسبوك - mbz3 facebook
mbz3


ما هو نوع الشبكة ؟
  1. مخفية
  2. ظاهرة
وايا كان الاختيار اللي هتختاره هيحولك على صفحة تانية بيسألك فيها ويقولك ما مدى قوة الاشارة التى تظهرها الشبكة على هاتفك ؟
وبيديك 3 اختيارات

mbz3 wifi password - mbz3 برنامج - mbz 3
mbz3
  1. ضعيف
  2. متوسط
  3. قوي
وبغض النظر عن اختيارك فبعدها هيقولك اضغط هنا لكتابة اسم شبكـة الواى فاى التى تريد معرفة الباسـورد خاص بها
 ياصاحبي وسواء كتبت اسم الشبكة او ماكتبتش هتضغط على الخطوة التالية هتلاقيه بيقولك اضغط على الخطوة التالية ولما تضغط عليها هيحولك للصفحة المنشودة اللي مكتوب فيها



mbz3 - mbz3com - mbz3.com - mbz3
mbz3


تهانينا لقد تم التعرف على كلمة السر الخاص بالشبكة
تبقى لك خطوة اخيرة
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة -صفحات-جروبات
نسخ الرسالة
اذا كنت تريد تهكير أى شبكة WIFi قريبة منك بدون برامج وتسرق منها نت _ اذهب الى جوجل واكتب فى البحث  MBZ3  ثم ادخل الموقع الاول - ثم ضع أسم الشبكة  يظهر لك الباسورد
قم بالضغط على زر اظهار كلمة السر علما بأن لن تظهر كلمة السر بدون نشر الرسالة فى التعليقات
↓↓↓↓
اضغط هنا للحصول على كلمة السر الان
↑↑↑↑
شارك برأيك في تعليق

 mbz3 wifi

 وطبعا مهما تنشر في الرسالة وتدخل عالموقع عمرك ماهتعرف اي باسورد واي فاي لان باختصار موقع mbz3 كله عبارة عن نصب في الاول والاخر والغرض من الموقع هو الربح عن طريق اعلانات CPA  ... خليني اقولك ياصاحبي وبكل ثقة انه حتي الان لايوجد على فيسبوك  مايسمي بمعرفة باسورد أى واى فاى قريب منك وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى mbz3 او mbz#3  (  كيفية حماية حسابك على الفيسبوك من الاختراق ) 

تعليقات المستخدمين في موقع mbz3

طبعا صاحب موقع mbz3 علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

اذا كنت تريد تهكير أى شبكة WIFi قريبة منك بدون برامج وتسرق منها نت _ اذهب الى جوجل واكتب فى البحث MBZ3 ثم ادخل الموقع الاول - ثم ضع أسم الشبكة يظهر لك الباسورد
mbz3

mbz3 هكر

جاتلنا كتير من الاسئلة بخصوص موقع MBZ3 ولكن اكتر سؤال كان بيتسئلنا هو هل موقع mbz3 هكر وخليني اقولك ياصاحبي انه مش هكر ومايقدرش يخترق جهازك لكن يفضل انك ماتستخدمش نوعية المواقع دى من باب الامان والاحتياط 

سبب انتشار موقع mbz3 

بطبيعة الحال الحاجة المجانية دايما بيبقا عليا اقبال اكتر من المدفوعة ودي النقطة اللي بيلعب عليها موقع mbz3 انه بيقولك لو عاوز تعرف باسورد الواي فاي ابحث في جوجل عن mbz3 فانت بتبحث وبتدخل وبتتبع الخطوات وفي الاخر مابتاخدش حاجة فهي دى فكرة mbz3 انه بيلعب على عاطفة امتلاك الشيء بدون مقابل عند المستخدم ولكن في الحقيقة كل ده كلام فاضي لان مافيش حاجة بدون مقابل ياصاحبي والبرامج اللي بتخترق باسورد الواي فاي بتكون برامج مدفوعة ومش اى حد يقدر يستخدمها علشان كده مااتصدقش المواقع من نوعية mbz3 وماتخليش حد يضحك عليك


مميزات وعيوب موقع mbz3

صديقي العزيز موقع mbz3 ليس له اي مميزات او عيوب يعنى هو لا هيضرك ولا هينفعك لان في مواقع زميلة عاملة شرح للموقع وكاتبة كلام غير صادق عن ان mbz3 له مميزات وعيوب وبصراحة انا بعتبرهم مضللين اكتر من موقع mbz3 نفسه فانا بس حبيت أأكد عليك المعلومة ان mbz3 مالووووووش لازززززززمة

رابط موقع mbz3

وطبعا بعد ماوصلت لنهاية المقالة تقدر تتأكد من كل كلمة قولتهالك وتدخل على موقع  mbz3 ( من هنا ) ولو لقيت الرابط مش شغال يبقي الدومين انتهي 

فيديو توضيحي اثناء استخدام موقع mbz3

مواقع اخري غير صادقة

في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى 

وبس كده ياصحبي ده كل حاجة بخصووص موضوع النهاردة حقيقة موقع mbz3. ارجو انك بعد ماقرأت الموضوع وعرفت حقيقة موقع mbz3 لمعرفة باسورد الواي فاي انك ماتصدقش الحاجات دى وماتمشيش وراها . ولو حبيت تشير الموضوع مع صحابك علشان تحذرهم هكون شاكر جدا يلا سلااااااااااااااااااااام

تعديل المقال
الأقسام

مقالات قد تهمك

تعليقات