يعنى ايه
1

يعنى ايه طرش ؟ معنى كلمة طرش بالمصري ( اخويا الطرش )

صورة
STARK
اخر تحديث :

طرش

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى طرش ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و pov وغيرها كتير من المعانى فبنصحك بعد ماتعرف يعني ايه طرش تدخل قسم المعانى وتقرأ فيه شوية المهم علشان ماطولش عليك يلا بينا نعرف معني كلمه طرش في السوشيال ميديا 

  
يعنى ايه طرش علي السوشيال ميديا - معنى طرش بالمصري


معنى طرش

كلمة طرش ياصاحبي هي كلمة عربية اصيلة ليها معانى كتير حسب البلد او اللهجة يعنى على سبيل المثال كلمة طرش عند المصريين غير كلمة طرش عند السعوديين وهكذا وفي مقال النهاردة هنشرح جميع معانى كلمة طرش 

معنى طرش على السوشيال ميديا 

اغلب انتشار لكلمة طرش كان من المصريين على السوشيال ميديا ويعتبروا هما سبب انتشار كلمة طرش لدرجة انهم خلوووها طررررش فعلا والمقصود بالطرش عند المصررين هو عبارة عن ( تعبير للمبالغة بالشيء = جامد جدااااااا ) يعنى ايه الكلام ده ؟ 
يعنى لما اقولك التيشرت اللي انت لابسه ده جامد طرش ياصاحبي يعنى كأنى بقولك التيشرت ده جامد جدا ياصاحبي 
الصورة دي طرررش ياسطي = ( الصورة دي جامدة ياسطي ) . واغلب ظهور لكلمة طرش كان ( اخويا الطرش ) والمقصود بيها اخويا  الجامد جدا طيب ده كده معني طرش بالمصرى طب ايه معنى طرش في اللغة العربية او في المعجم ؟ 

معنى كلمة طرش في اللغة العربية 

الطرش في اللغة العربية هو تعبير عن حالة او اصابة عدم السمع او عجز بالسمع اللي هو الشخص يعنى الشخص اللي فقد حاسة السمع بيقولوا عليه اطرش وده معنى الطرش في اللغة العربية . طيب ايه معنى كلمة بالسعوي او بالاماراتي او الكويتى 

معنى كلمة طرش بالسعودي ( معنى كلمة طرش بالاماراتى ) 

الطرش عند بقي عند اخواتنا الخلايجة له معنى تانى ياصاحبي لان كلمة طرش بالسعودي معناها  ( مسافر ) يعنى لما اقولك فلان طرشان النهاردة على مكة يعنى فلان مسافر النهاردة على مكة .. مثلا لما اقولك اطرشلي رسالة بمعنى ارسلي او ابعتلي رسالة فالطرش هنا معناه الارسال او السفر طيب انت اكيد سمعت قبل كده عن طرش البحر صح ؟ 

ماهو طرش البحر ( معنى مصطلح طرش البحر ) 

طرش البحر عبارة عن مصطلح عنصري يُطلق على المهاجرين المستوطنين في غرب السعودية، سواء دخلوا السعودية من اجل الحج ، وبيكونوا من اصول مختلفة ، ومن اسمائهم  : هوساوي ، فلاتة ، داغستاني ، تركستاني ، كردي ، فلمبان ، خزندار طيب انا كده قولتلك كل حاجة بخصوص معنى كلمة طرش ماعدا حاجة واحدة كنت محتار اقولها ولا بصراحة بس هقولها وامري لله 

معنى مختلف لكلمة طرش عند المصريين 

عند اخواتنا المصريين حابيب قلبي في معنى لكلمة طرش وهو معنى مش لطيف بس لازم تعرفه علشان لو قابلك ولا حاجة والمعنى التانى لكلمة طرش بالصمري هو ( القيء او الترجيع او المؤاياة ) ويارب تكوني فهمتونى بس خلونى اوضحلكم بمثال : تخيل مثلا واقف انت وصاحبك المريض اللي عنده حساسية من حاجة معينة لما بيشمها بيحس ان هو عاوز يتقيء فصاحبك ده شم الحاجة دي فتلاقي واحد واقف معاكم ويقولك خلي بالك علشان ( هيطرش ) علينا دلوقتي .. بس مش قادر اشرح اكتر من كده علشان هرجع ^_^وبس كده ياصحبي دى كانت كل حاجة بخصوص معنى توكسيك المنتشرة على السوشيال ميديا ، لو في مصطلح او كلمة حابب تعرف معناها اكتبلنا في التعليقات . وماتنساش تاخد جولة في قسم المعانى زى ماتفقنا يلا سلااااااااااااااام


معانى كلمات منتشرة على السوشيال ميديا 

تعديل المقال
الأقسام

مقالات قد تهمك

تعليقات